Украиндық маман Дүниежүзілік банктің Қазақстандағы тұрақты өкілі болды

Дүниежүзілік банк Қазақстандағы жаңа тұрақты өкіл болып Андрей Михневтің тағайындалғанын хабарлады.

Андрей Михнев Қазақстан үкіметімен, мемлекеттік органдармен, азаматтық қоғаммен, жеке сектормен және басқа серіктестермен саяси диалог жүргізеді, сондай-ақ Астанада орналасқан Дүниежүзілік банктің ел командасын басқарады деп хабарланды.

Қаржы институтының өкілі Дүниежүзілік банк тобы мен Қазақстан Республикасы арасындағы 2020-2025 жылдарға арналған әріптестік негіздеме бағдарламасының орындалуын қадағалайтын болады.

Михневтің экономикалық саясатты жүзеге асыру және жобаларды басқару саласында 20 жылдан астам тәжірибесі бар. Ол бұған дейін Дүниежүзілік банктің Моңғолиядағы өкілдігін басқарған. Бұған дейін Михнев Таяу Шығыс пен Парсы шығанағы елдеріндегі бағдарламаларды басқарды. Ол сондай-ақ Латын Америкасы, Сахарадан оңтүстікке қарайтын Африка, Оңтүстік Азия, Таяу Шығыс пен Солтүстік Африка, Еуропа мен Орталық Азияның көптеген елдерінде экономикалық реформаларды ілгерілетуде үлкен тәжірибесі бар.

Михнев Украина азаматы, Киев ұлттық университетінде халықаралық экономика ғылымдарының докторы дәрежесіне ие.