Украинадағы қазақ киіз үйлерінде Наурыз мейрамы тойланды

Наурыз мейрамы Киевте орнатылған қазақтың мызғымайтын киіз үйлерінде тойланды.

Киіз үйлердің жанында оркестр ойнап, мерекеге қатысқан  Украина астанасының мэрі Виталий Кличко құттықтау сөз сөйледі. Ол Қазақстанға украин халқына көмектескені үшін алғыс айтып, барша жұртты мерекемен құттықтады.

Сондай-ақ Кличко Киевтегі 50 мыңнан астам украиндықтардың киіз үйді аралап, қазақ мәдениетімен танысқанын атап өтті.

Айтпақшы, киіз үй Қазақстанға жер аударылып, Арал теңізін зерттеген капитан Бутаковтың атақты экспедициясына қатысқан Тарас Шевченконың саябағына орналасқан.

Тарас Шевченко – украин ақыны, прозаик, ойшыл, суретші, график, этнограф, қоғам қайраткері.