Украинада мемлекеттік қызметшілерге бір апта бойы жұмысқа келмеу ұсынылды

Киевтің үкіметтік аумағында орналасқан мекеме қызметкерлеріне 22-26 тамыз аралығында қашықтан жұмыс істеу ұсынылды.

Киевтің үкіметтік ауданында Парламент, Президент Кеңсесі, Үкімет, Украина Ұлттық Банкі орналасқан.

TSN басылымының мәліметінше, келесі аптада Украина Тәуелсіздік Күнін атап өтеді. Осыған байланысты Киевтегі барлық жиналыстар мен іс-шаралар тоқтатылады.

Жоғарғы Рада қашықтан жұмыс істеу туралы шешім қабылдады, тек халықаралық делегациялармен жұмыс істейтін және келесі кездесулерге дайындыққа қатысатын мамандар ғана жұмыс орнына келеді.

Айта кетейік, 20 тамыз күні Украина президенті Владимир Зеленский келесі аптада Ресей қатыгез әрекетке көшеді деп мәлімдеді.