Украина жедел түрде НАТО-ға кіруге өтініш берді

Мұндай мәлімдемені Владимир Зеленский Мәскеуде ЛХР, ДХР, Херсон және Запорожье облыстарының Ресейге кіруі туралы келісімдерге қол қойылғаннан кейін бірден жасады.

— Біз бір-бірімізге сенеміз, бір-бірімізге көмектесеміз және бір-бірімізді қорғаймыз. Бұл Альянс. Де-факто. Бүгін Украина оны де-юре жасауға өтініш беріп отыр. Жедел түрде, - деді Зеленский.

Біраз уақыттан кейін НАТО бас хатшысы Йенс Столтенберг журналистердің сұрақтарына жауап берді. Оның айтуынша, альянс Зеленский үкіметінің әрекетін қолдауды жалғастырады.

Йенс Столтенберг сонымен қатар Украинаның басып алынған және аннексияланған аумақтарды қайтаруға сөзсіз құқығын мойындады.

Журналистің Украина президентінің елдің НАТО-ға тезірек қабылдану туралы өтініші туралы сұрағына жауап берген Столтенберг бұл үшін НАТО-ның барлық мүшелерінің келісімі қажет екенін еске салды.

— Мүшелік туралы шешімді НАТО-ның 30 мүшесінің барлығы қабылдауы керек және бұл шешімдер консенсус арқылы қабылданады. Қазір біз Украинаның өзін-өзі қорғауына көмектесу үшін оған дереу қолдау көрсетуге жұмылдық, - деді Столтенберг.

Сонымен қатар, Украинаның НАТО-ға жеделдетілген түрде кіру ұсынысын бірінші болып Канада үкіметі қолдады.