Украина Ресейдің 2024 жылғы Олимпиадаға қатысуына қарсы

Зеленский Ресей мен Беларусьтің алдағы Олимпиадаға қатысу мүмкіндігі туралы айтты.

Киевтен тараған өткір реакцияға ХОК басшысының ресейлік және белорус спортшылары Париж-2024 ойындарына қатыса алады деген сөзі себеп болды. Владимир Зеленский бір күн бұрын Украина астанасын тағы да атқылағанын әлем есіне салып: «Томас Бах шындықтан алшақ» деген пікір білдірді.

«Мұндай соғыс болған кезде бейтараптық деген болмайды. Ал тирандар спортты өздерінің идеологиялық мүдделері үшін қаншалықты жиі қолдануға тырысатынын білеміз. Ресейлік спортшылардың кез келген бейтарап туы қанға боялғаны анық. Айтпақшы, мен Бах мырзаны бейтараптық жоқ екенін өз көзімен көруі үшін Бахмутқа шақырамын» деп келтіреді Зеленскийдің сөзін Euronews.

Сөзін жалғастыра отырып, Украина президенті өз елі спортшыларының суреттерін шығарды. Кадрларда спортшылар жаттығатын ғимараттардың қирандылары түсірілген. Сонымен бірге Зеленский елге ауыр танктер мен жойғыш ұшақтарды жеткізуді тездетуді тағы да сұрады. Ол бейбітшілікке жол Ресейді жеңу арқылы жүретінін түсіндірді.

Қытай, керісінше, ХОК-тың ресейліктер мен белорустардың бәсекеге түсуіне мүмкіндік беру бастамасын қолдады. Қытайдың Ұлттық Олимпиада комитеті барлық спортшылардың халықаралық жарыстарға тең жағдайда қатысу құқығын жариялады.

«Спортшылардың қатысуы туралы шешім олардың спорттық көрсеткіштері негізінде саяси және әскери факторлардың араласуынсыз қабылдануы керек»  деп келтірді Синьхуа ақпарат агенттігі Қытайдың ҰОК өкілінің сөзін.

Ал, ХОК спорт министрі Вадим Гутцайттың қорқытқан сөзі ұйым миссиясына сәйкес келмейді деп есептейді. Оның айтуынша, тіпті елдер қақтығыс жағдайында болса да жекелеген спортшыларды шеттету арқылы кемсітуге болмайды.