Украина НАТО-ның 6 елімен бірлесіп қару шығаруды жоспарлап отыр

Украинаның серіктес елдері қатарына Польша, Чехия, Франция және Дания кіреді.

Украина НАТО-ның алты елімен қару-жарақ пен ауыр әскери техникалар жасауды жоспарлап отыр. Бұл туралы кеше «Укроборонпром» концерні хабарлады.

«Украина НАТО-ның әскери-өнеркәсіптік кешеніне интеграциялануда. «Укроборонпром» альянсқа мүше кемінде алты елмен бірге ауыр қару-жарақ пен әскери техника өндіріп, дамытатын болады»  делінген концерннің Telegram-каналында.

Баяндамада бұл елдердің арасында Польша, Чехия, Франция және Дания бар екені айтылған. Оның үстіне олармен ешқандай мәліметтерді жариялауды көздемейтін келісімдер жасалғаны атап өтілді.

«Біз бірлескен қорғаныс кәсіпорындарын құрудамыз, жабық циклді оқ-дәрілерді өндіру желілерін құру, броньды машиналар мен бірнеше зымырандық жүйелерді бірлесіп шығару және жаңа жоғары технологиялық қару-жарақ жасаумен айналысудамыз. Ол үшін біз бар қуаттарды да, қауіпсіз жерлерде жаңадан салынған қуаттарды да пайдаланамыз» деді концерннің баспасөз қызметі.

Сонымен қатар, «Укроборонпром» 122 және 152 мм калибрлі оқ-дәрілер, сондай-ақ 120 мм калибрлі миналар шығарылатыны туралы хабарлады.