Украина инфрақұрылымға келтірілген шығынды 127 миллиард долларға бағалады

Саяси сарапшылар әскери қақтығыс аяқталғаннан кейін елді қалпына келтіру ең ірі инвестициялық жобалардың бірі болады деп есептейді.

Украинаның азаматтық және маңызды инфрақұрылымына келтірілген залал кемінде 127 миллиард доллардан асты. Ал, «Коммерсант» жазғандай, қалпына келтіру «ең ірі инвестициялық жобалардың бірі» болмақ. Мұндай мәлімдемені Украина Сыртқы істер министрінің бірінші орынбасары Эмине Жапарова жеткізді.

— Украина Еуропадағы ең ірі құрылыс алаңына айналды, ол халықаралық серіктестерге машина жасау, құрылыс және технологиялар трансферті саласындағы үздік тәжірибені пайдалану үшін көп мүмкіндіктер береді, - деді Жапарова БҰҰ Қауіпсіздік Кеңесі отырысында.

Министрдің орынбасары БҰҰ мемлекеттерін Украина президенті Владимир Зеленский ұсынған «бейбітшілік формуласын» қолдауға шақырды. Оның пікірінше, ол «Украина мен бүкіл әлемге қауіпсіздік пен әділдікті қайтара алады».

Айтпақшы, Украина президенті Владимир Зеленскийдің өзі БҰҰ Бас Ассамблеясының келесі отырысында жеке сөз сөйлегісі келеді. Кездесу күні Ресей мен Украина арасындағы әскери қақтығыстың бір жылдығына бірнеше күн қалғанда белгіленді.

Жапарова «елдегі жағдай мүмкіндік берсе, бұл Зеленскийдің соғыс басталғаннан кейін Украинадан тысқары екінші сапары болмақ» деді. Біріншісінде өткен жылдың желтоқсан айында Вашингтонға ресми сапармен барған.

Бас ассамблея 23 ақпанда Украинадағы соғысқа қатысты жоғары деңгейдегі пікірталастарды, одан кейін 24 ақпанда Қауіпсіздік кеңесінің министрлер отырысын белгіледі. Дәл осы күні соғыстың басталғанына тура бір жыл толады.