Украина Денсаулық сақтау министрлігі Зеленский ұсынған марихуана негізіндегі есірткіні заңдастырмақшы

Украина президенті бұған дейін елде медициналық каннабис негізіндегі дәрі-дәрмек шығару керектігін айтқан болатын.

Украина Денсаулық сақтау министрлігі президент Владимир Зеленский ұсынған медициналық каннабис (марихуана) негізіндегі дәрілерді заңдастыруды қолдады. Бұл туралы ведомство басшысының орынбасары, бас мемлекеттік санитарлық дәрігер Игорь Кузин мәлімдеді, деп жазады ТАСС.

«Денсаулық қорғау комитеті (Жоғарғы Раданың Ұлттық денсаулық сақтау, медициналық көмек және медициналық сақтандыру комитеті - ТАСС ескертуі) аталған заң жобасын қолдады. Ал Денсаулық сақтау министрлігі бұл заң жобасына оң бағасын берді. Жақын арада ол Жоғарғы Радаға ұсынылып, сол жерде қабылданады деп күтеміз», - деді Кузин Рада телеарнасы эфирінде.

Зеленскийдің марихуана негізіндегі есірткіні заңдастыруды бірінші рет қолдап отырған жоқ. Соңғы рет ол бұл туралы маусым айының соңында айтты. Сол кезде ол аталған  дәрі-дәрмектің ел аумағында өндірілуі керектігін және көп адамға көмектесетінін айтты.

Сонымен заң жобасы Украинада Раданың келесі жалпы отырысында қаралуы мүмкін.