Украина аумағындағы референдумның қорытындысы жарияланды

Украинаның басып алынған аумақтарындағы сайлау комиссиялары сейсенбі күні кешке аяқталған референдумның қорытындысын жариялады, деп хабарлайды svoboda.org.

ОСК мәліметінше, Донецк облысында оның Ресейге кіруіне дауыс беруге келгендердің 99,23 пайызы, Луганскіде - 98,42 пайызы, Запорожьеде - 93,11 пайызы, Херсонда - 87,05 пайызы дауыс берген.

Дауыс берудің аяқталуына бірнеше сағат қалғанда Ресей Қауіпсіздік Кеңесі төрағасының орынбасары Дмитрий Медведев Telegram парақшасында:

 — Референдум аяқталды. Нәтижелері анық. Өз үйлеріңізге - Ресейге қош келдіңіздер!

4 қазанға жоспарланған Федерация кеңесі отырысында оккупацияланған Украина территорияларының Ресейге кіруі мәселесі қарастырылады. Бұл ретте өзін-өзі жариялаған Луганск халық республикасының басшысы Леонид Пасечник мәлімдеме жасап, Владимир Путиннен қыркүйектің 28-і күні аймақты Ресей Федерациясы құрамына қабылдауды сұрады, - деп жазды.

Украина президенті Владимир Зеленский «басып алынған аумақтардағы жағдайды тіпті референдумға еліктеу деп те атауға болмайтынын» және Украина армиясы ешбір жағдайда жерді азат ету жоспарынан бас тартпайтынын айтты. Одан бөлек, егер Ресей референдум нәтижелерін мойындайтын болса, онда Путин мен оның «бұдан артық сөйлесетін ештеңе қалмағанын» атап өтті.

Батыс елдері Ресейдегі референдум нәтижелерінің мойындалмайтынын бірнеше рет ескертті. Сейсенбі күні АҚШ Мемлекеттік хатшысы Энтони Блинкен «Украинаның бүкіл аумағында өзін-өзі қорғауға абсолютті құқығы бар, соның ішінде Ресей бір жолмен заңсыз басып алған жерлерді қайтарып алуға болады» деді. Блинкен сондай-ақ, АҚШ президенті Джо Байденнің Ресейге қарсы референдум өткізу үшін қосымша қатаң санкциялар енгізілетіні туралы сөзін қайталады.

Украинаның оккупацияланған аумақтарында (ДХР, ЛХР және Херсон және Запорожье облыстарының бір бөлігі) 23-27 қыркүйек аралығында Ресейге қосылу туралы референдум өтті. Дауыс беру әскери бақылаудағы аймақтарда өтті, олардан жүздеген мың украин азаматтары соғыстан және ресейлік оккупациядан қашып кетті.

Маусым айында Қазақстан президенті Қасым-Жомарт Тоқаев Ресей президенті Владимир Путинмен кездесуінде Қазақстан Украинадағы квазимемлекеттік аумақтарды мойындамайтынын атап өткен.

Қазақстанның Сыртқы істер министрлігі де ДХР мен ЛХР-дағы референдумға қатысты өз ұстанымын жариялады.

22 ақпанда Ресей президенті Владимир Путин Донецк Халық Республикасы мен Луганск Халық Республикасының тәуелсіздігі мен егемендігін тану туралы жарлықтарға қол қойды.