Украин жауынгерінің бас сүйегін сахнаға алып шыққан ресейлік офицер өлім аузында жатыр

Украинаның Луганск облысында саяси технолог, Ресей армиясының офицері Игорь Мангушевтің басына оқ тиіп, ауыр жараланды.

Мангушевтің телеграм-арнасы хабарлағандай, Ресей офицері ауыр жараланған. Ақпаратқа сәйкес, Мангушев Стаханов қаласының нейрохирургия бөліміне жеткізілген.

Игорь Мангушев – Ресейдің «Светлая Русь» қозғалысының жетекшісі. Медуза басылымының мәліметі бойынша, ол Ресейдің Украинаға басып кіру символдарының біріне айналған Z белгісінің авторы.

Бұған дейін Мангушев адамның бас сүйегін сахнаға алып шығып, бас сүйектің украин жауынгеріне тиесілі екенін айтқан еді.