Украин дипломаттарын анонимді хаттар арқылы қорқытуда

12 елдегі украиндық дипломаттар жарылғыш заттар немесе жануарлардың бөліктері салынған хат алды.

12 елдегі украиндық дипломаттар 17 анонимді сәлемдемелер алды. Бұл туралы CNN телеарнасына берген сұхбатында Украина сыртқы істер министрі Дмитрий Кулеба мәлімдеді. Сыртқы істер министрінің айтуынша, не жалған бомбалар, не жануарлардың бөліктері, мысалы, сиыр мен шошқаның көздері жіберілген.

— Бәрі Испаниядағы Украина елшілігі маңындағы жарылыстан басталды. Бірақ бұл жарылыстан кейінгі жағдай оғаш көрінді, мен оны денсаулыққа зиян деп те атар едім, - деді Кулеба.

Ол сонымен қатар  «бұл науқан украиндық дипломаттарды үрейлендіру  мен қорқытуға бағытталған» деді.

Кулеба сәрсенбі күні Мадридтегі Украина елшілігінде болған жарылыс пен соның салдарынан елдің Испаниядағы елшісінің атына жазылған хатты алып бара жатқан украин қызметкері жарақат алғаны туралы айтты. Испания билігі бейсенбі күні жарылғыш заттары бар хат өткен аптада елдің премьер-министріне, сондай-ақ  АҚШ елшілігіне тағы бір хат жіберілгенін хабарлады.

Осы аптада Украинаның Венгриядағы, Нидерландыдағы, Польшадағы, Хорватиядағы, Италиядағы елшіліктері, Неаполь мен Краковтағы бас консулдықтары және Брнодағы консулдық осындай сәлемдемелерді алғаны белгілі. Осыдан кейін Киев барлық шетелдік елшіліктер мен консулдықтарда күшейтілген қауіпсіздік шараларын енгізді.