WhatsApp жаңартылып, 30 млн қолданушысынан айрылды

Мессенджерлер ішіндегі көш бастаушы WhatsApp желісі қаңтар айының басынан бері 30 миллионнан астам қолданушысынан айрылды.

The Guardian мәліметінше, оқырмандарынан айрылудың негізгі себебі: қосымшаның жаңартылған нұсқасына қолданушылардың көңілі толмаған.

WhatsApp желісі жаңартылған соң қолданушылар Signal және Telegram-ға көше бастаған. Британ үкіметі комитетінің бағалауынша, үш аптаның ішінде Signal-ды қолданушылар саны 7,5 миллион адамға артса, Telegram-ға 25 млн адам қосылған.

Осылайша WhatsApp Британияда қолданыс жағынан сегізінші орнынан түсіп қалды.