WhatsApp-та жаңа функция пайда болады

WhatsApp мессенджері көптеген хабарлармен жұмыс істеуді едәуір жеңілдететін опция дайындауда. WhatsApp-тың жаңа функциясын сынақтан өткізу туралы инсайдерлік WABetaInfo порталы хабарлады.

WhatsApp функциясы кейінірек оқу деп аталып, қазіргі мұрағат (архив) опциясының орнын баспақшы. Осыған дейін қолданушы чатты мұрағаттаса, мүлде хабарлама алмайтын. Себебі, чат жоғалып кететін. Жаңа нұсқада жұмыс логикасы өзгереді. Бөлім жоғарғы жағына бекітіліп, пайдаланушы ондағы хабарламаларды жай ғана оны енгізу арқылы көре алады. Оларға хабарлама жіберілмейді.

Жаңа функция WhatsApp-тың Android нұсқаларында бета-тестілеу сатысында. Жақында ол барлық платформалар үшін тұрақты құрылымдарда қол жетімді болады.

Еске салсақ, осыған дейін WhatsApp әзірлеушілері жеке деректерді Facebook-ке беру туралы тармақ қосып, қолданушы келісімін жаңартқан болатын. Кейінірек қолданушылар WhatsApp-қа балама ретінде Signal мен Telegram-ды жаппай орнатып жатқаны белгілі болды.