WhatsApp-тағы бейнежазба үшін кешірім сұратқан әкім жазаға тартылады

Құндыкөл ауылдық округінің әкімі Самат Ибраев қызметкерінің орынсыз әрекеті үшін Егіндібұлақ ауылының тұрғынынан кешірім сұрады.

Бұл туралы Orda.kz Pavlodarnews.kz-ке сілтеме жасап хабарлайды.

Ауыл әкімі Самат Ибраев ауылдасына көмек ұсынғанын, бірақ ол бас тартқанын айтты.

- Оған түсініктеме беруді ұсындық, кейін аудан әкімінің әлеуметтік желілердегі өтініштерге ден қою туралы тапсырмасын орындай отырып, видеоны WhatsApp-тағы әкімдік тобына жібердім. Бірақ түсініктеменің орнына ол кешірім сұрады, - деді әкім.

Зейнеткер Егіндібұлақтың қарын видеоға түсіріп, туыстарымен бөліскен.

Әйел немересін мектепке жібергенде қар басқан есікті әрең ашқанын айтты. Майя Манашеваның жұбайы қазір Павлодарда.

- Екі күн бойы қар жауды, көшеге шыға алмадық. Павлодарда қар жоқ дейді, мен бұл видеоны күйеуімнің туыстарына жібердім. Олар бұл видеоны таратқан шығар. Мен үйде жалғыз болғанмын, - деп ақталды әйел ауыл әкіміне.

Қанат Кәрімовтің айтуынша, Құндыкөл ауылының әкімі тәртіптік жазаға тартылады.

- Бүгін таңғы сағат 8-де мен Майя Манашеваның үйінде болдым, оның алдында кешірім сұрап, күйеуімен сөйлестім, - деп толықтырды Қанат Кәрімов. Самат Ибраев дұрыс жасамады. Егіндібұлаққа біз техника жібердік, ол осы әйелдің ауласын ғана емес, бүкіл ауылды қардан тазартады, - деп толықтырды Қанат Кәрімов.