West Oil ереуілді тоқтатудан бас тартқан 50 қызметкерін жұмыстан шығарды

Мұнай сервистік компаниясы бұл шешім туралы алдын ала ескерткен. Бір күн бұрын 120 адам жұмысқа оралды.

Қалғандары 11 желтоқсаннан бері жалғасып келе жатқан ереуілді тоқтатпаса, 24 ақпаннан бастап жұмыстан шығарамыз деп қорқытқан.

Сонымен бірге West Oil еңбек шарты бұзылған қызметкерлер бұрынғысынша жұмыстарын сақтай алатынын атап өтті:

«Жаңа қызметкерлер жұмысқа қабылданбағанша, жұмыстан босатылғандардың келісім комиссиясы арқылы жұмысқа қайта оралуына мүмкіндік бар. Бұл мүмкіндік болғанымен, біз заңсыз ереуілге қатысушылардың барлығын өз жұмысына қайта оралған әріптестеріңізден үлгі алуға шақырамыз» деді компания өкілдері.

West Oil процесс жоспарланғандай жалғасатынын айтты. Жұмысқа орналасуға жаңа үміткерлердің толық тізімі анықталғаннан кейін заңсыз ереуілді тоқтатқысы келмеген басқа жұмысшылармен де келісім-шарт бұзылады.

Ақпанның 21-і күні Жетібай ауылының жұмыссыздары видеохабарламаға түсіріп, жұмыстан шығарылады деп жоспарланған ереуілшілердің орнына өздерін жұмысқа орналастыруды талап еткен.

Ақпанның 22-сі күні Құрық ауылының тұрғындары да осындай видео жариялап, Қарақиян ауданының әкімінен босаған жұмыс орындарын олардың арасында бөлуге көмектесуін өтінген.

West Oil Software компаниясында ереуіл 2023 жылдың 11 желтоқсанынан бері жалғасуда. Жұмысшылар «ҚазМұнайГаз» ұжымына қабылдануды, жалақыны ҚМГ бірыңғай жүйесінің деңгейіне жеткізуді, материалдық-техникалық базаны жаңартуды талап етуде.

Сот ереуіл қауіпті өндірістік нысанда өтуіне байланысты заңсыз деп танылды.