«Вова ағайды көмекке шақыратын» радио жүргізушісі қызметінен босатылды

«Еуропа Плюс Қазақстан» радио жүргізушісі Любовь Панованың ұстанымын радио саясатына еш қатысы жоқ деп мәлімдеді.

26 наурызда Facebook әлеуметтік желісінде радио жүргізушісі Любовь Панова қазақстандықтардың көңіліне тиетін пікір қалдырды. Өз хабарламасында ол «Вова ағайды көмекке шақырамын» деп жазған, бірақ оның нақты кім екенін айтпады. Десе де, бұл жердегі әңгіме Ресей мен Украина арасындағы соғысты талқылау кезінде болғанын ескерген жөн.

«Еуропа Плюс Қазақстанның» ақпараттық саясаты интернационализм, Қазақстанның егемендігі және әл-ауқаты сияқты мызғымас құндылықтарға құрылады. Халықаралық қатынастар саласында біз Қазақстан Республикасының Президенті Қасым-Жомарт Тоқаевтың халықаралық аренадағы саясатын толығымен бөлісеміз және эфирде жүргіземіз» делінген радионың хабарламасында.

Сондай-ақ, олар қызметкердің жария мәлімдемелерін компанияның тәртіптік комитетінде қарастыратынын атап өтті.

«Еуропа Плюс Қазақстан» радиостанциясының ақпараттық саясаты қатаң тексеруден өткен өзекті жаңалықтарға негізделген. Біздің радионың эфирінде ешқашан радикалды пікірлер немесе расталмаған фактілер орын алмайды және естілмейді, әрине, бұл қолайсыз болды. Біз өзіміздің радио тыңдаушыларымызға айтарымыз, біз өз елімізді жақсы көреміз және Қазақстанның бейбітшілігі мен гүлденуіне қызмет ету үшін бәрін одан әрі жасай береміз» деп жазды радио өкілдері.