Владимир Зеленский: «Соғыс дипломатиялық жолмен шешілуі тиіс»

Владимир Зеленский Дональд Трамппен кездескеннен кейін Fox News телеарнасына сұхбат берді, деп хабарлайды Orda.kz.

Зеленский, ең алдымен, Ақ үйде болған оқиғаға өкініш білдіріп, Трамптың оны ренжітті, құрмет көрсетпеді деген айыптауларына жауап берді.

«Мен Трампқа және АҚШ халқына көрсеткен көмегі үшін алғыс айтамын. Мен президентті де, Америка халқын да құрметтеймін. Соғысты аяқтау ешкімге бізден артық қажет емес. Мен тек Путинді тоқтату үшін бірге болуымыз керек екенін айтамын». 

Украина сирек жер пайдалы қазбалары бойынша келісімге қол қоюға дайын ба, деген сұраққа Зеленский оған келісетінін, бірақ бұл жеткіліксіз екенін баса айтты.

«Мүмкін мен бірдеңені білмейтін шығармын және Трамптың Путинді тоқтататын жоспары бар шығар. Біз бейбітшілікке дайынбыз, оған дипломатия арқылы қол жеткізіледі». 

Өзінің отставкаға кетуіне қатысты сұраққа Зеленский мұндай шешімді тек Украина халқы қабылдай алатынын айтты. Трамппен қарым-қатынасты сақтау мүмкін бе деген сұраққа ол: «Иә, әрине», - деп жауап берді.

«Бұл екі президенттің емес, екі елдің қарым-қатынасы. Сіздің халқыңыз халқымызды құтқаруға көмектесті. Бұл өте маңызды және біз өте ризамыз».

Естеріңізге сала кетейік, Украина басшысы мен АҚШ президенті Дональд Трамптың 28 ақпанда өткен кездесуі дауыс көтерумен аяқталды. Зеленский Ақ үйден мерзімінен бұрын кетіп қалды.

Осыдан кейін бірден көптеген еуропалық көшбасшылар Украинаға қолдау білдірді.