Владимир Путин мен Дональд Трамптың Сауд Арабиясындағы кездесуі ақпан айының соңында өтуі мүмкін

Bloomberg агенттігінің хабарлауынша, кездесуге дайындық үшін келесі аптада корольдікте екі елдің делегациялары арасындағы келіссөздер жоспарланған, деп хабарлайды Orda.kz.

Агенттік ақпарат көздерінің хабарлауынша, алдағы келіссөздерде америкалық делегацияны АҚШ президентінің ұлттық қауіпсіздік жөніндегі кеңесшісі Майк Уолц пен Таяу Шығыс бойынша арнайы елші Стив Виткофф басқарады.

Қасиетті Рамазан айы басталмай тұрып, келіссөздер күнін белгілеу басты міндеттердің бірі болады. Еуропалықтардың көпшілігі әлі де хабардар емес, дейді басқа дереккөз. Украина өкілдерінің қатысуы күтілуде.

Кездесудің егжей-тегжейлері мен қатысушылардың соңғы тізімі әлі пысықталуда. Келіссөздер Эр-Риядта өтуі ықтимал.

12 ақпанда Ресей мен АҚШ басшылары телефон арқылы сөйлесті. Кремль түсіндіргендей, келіссөздердің негізгі тақырыбы Украинадағы қақтығысты реттеу болды. Әңгімелесу барысында президенттер жеке кездесу өткізуге келісті.