Вице-премьер Тоғжанов үкімет жұмысына «төрт» деген баға қойды

Қазақстан премьер-министрінің орынбасары Ералы Тоғжанов Қазақстан үкіметінің жұмысына «төрт» деген баға берді.

Бұл туралы вице-премьер журналистердің «Жаңа Қазақстан неліктен ескі үкіметпен салынып жатыр?»  деген сұраққа жауап бере отырып айтты.

– Менің ойымша, үкімет бүгінде жақсы жұмыс істеп жатыр. Бес балдық шкала бойынша ол «төртке» жұмыс істейді, –  деді Тоғжанов.

Журналистердің «жаңа Қазақстанның» ескі үкіметпен жұмыс істеді деген сөзіне түсініктеме берген Тоғжанов: «Жаңа үкіметте сырттан адамдар болуы керек деп ойлайсыз ба?» деген қарсы сұрақ қойды.