Вице-премьер Қанат Бозымбаев Құлсары тұрғындарының наразылығы туралы не дейді?

Қанат Бозымбаев Құлсары тұрғындарының наразылығы туралы сөйледі, деп хабарлайды Orda.kz порталы.

«Құлсары тұрғындарының мәселесі бойынша Жылыой ауданы әкімдігі жұмыс істеп жатыр. Айдың соңына дейін олар баға беруді аяқтауға тиіс. Заңға сәйкес, баға беру арқылы үйдің апатты жағдайда, тұруға жарамсыз не жарамды екенін анықтау қажет. Соның нәтижесінде ғана бірнәрсе айтуға болады», — деді ол. 

Наразылықта тұрған Құлсары тұрғындары баспананы ескі-жаңа деп бөлу орынсыз екенін жеткізген.

Құлсары қаласында тұрғындар наразылығы жетінші күні жалғасып жатыр.

Жылыой ауданы әкімдігі алдында тұрған халық өтемақы мәселесіне разы емес.