Вице-министр мен үш судья сыбайлас-жемқорлықпен ұсталды

2021 жылы қанша шенеунік сыбайлас-жемқорлықпен ұсталғаны туралы Сыбайлас жемқорлыққа қарсы қызметтің басшысы Марат Ахметжанов айтты. Оның ішінде вице-министр, судьялар, әкімдер мен олардың орынбасарлары да бар.

Бұл туралы Orda.kz хабарлады.

– Тергеу-жедел жұмысы аясында 6 ай ішінде 658 адам қылмыстық жауапкершілікке тартылды, оның 61-і республикалық және облыстық деңгейдің басшылары. Сондай-ақ, вице-министр және үш судья ұсталған. 7 облыс әкімі мен олардың орынбасарлары әшкереленді.

Қызметкерлердің сыбайлас жемқорлыққа қатысты жауапкершілігін күшейту аясында 33 лауазымды тұлға жазаланды, оның 3-і қызметінен босатылды. Бюджетке 15 млрд теңге өтелді. Кәсіпкерлік істерге заңсыз араласудың 60 фактісі және көлеңкелі экономика субъектілеріне патронаттық қолдаудың 45 фактісінің жолы кесілді. Жүйелік сыбайлас жемқорлықтың 61 фактісі анықталды, - деді Ахметжанов.

Оның айтуынша, статистика сыбайлас жемқорлық қылмыстарын тіркеу 35 пайызға – 1 540-тан 1 005-ке дейін төмендегенін көрсетеді.

– Семей Орманы қорығының бас директоры мен оның екі орынбасары бастаған қылмыстық топтың қызметі тоқтатылды. Олар кәсіпкерлерден орманды санитарлық тазалауға рұқсат беру үшін пара алу схемасын ұйымдастырды. Үш жетекші қамауға алынды, тергеу амалдары жүргізілуде.

Қарамағындағылардың үстемақыларынан ақша бопсалаумен үнемі айналысқан Қорғаныс министрлігінің логистика және қару-жарақ пен қаржы бөлімінің басшылары ұсталды, - деді агенттік басшысы.