Вице-министр маймыл шешегі бойынша мәлімдеме жасады

Қазіргі уақытта Қазақстанда эпидемиологиялық жағдай тұрақты. Тәуекелдерді бағалау жүйелі түрде жүргізіледі, соның ішінде көршілес елдердегі жағдайға мониторинг енгізіледі.

Бұл туралы денсаулық сақтау вице-министрі Ержан Нұрлыбаев хабарлайды.

Африка елдерінен және ауру жағдайлары тіркелген басқа аймақтардан келген азаматтарға ерекше назар аударылады.

Эпидемиологиялық жағдайы қолайсыз елдердің тізімі үнемі жаңартылып отырады. Ғалымдардың пайымдауынша, бұл инфекцияның жұқпалылығы жоғары емес, Қазақстанда індеттің пайда болу ықтималдығы аз. Осыған қарамастан, вице-министр денсаулық сақтау министрлігі елге инфекцияның енуіне жол бермеу үшін барлық қажетті профилактикалық шараларды қабылдауда деп сендірді.

Шекарада санитарлық-карантиндік бақылау күшейтілді. Инфекцияға күдікті науқастар анықталған жағдайда медициналық қызмет әрекеттерінің алгоритмдері әзірленді. Денсаулық сақтау министрлігі бас санитарлық дәрігердің қаулысын және төтенше жағдай бойынша ұлттық іс-шаралар жоспарын дайындады. Жағдай тұрақты бақылауда.

Маймыл шешегі – безгегімен, жалпы интоксикациямен және тері бөртпелерімен жүретін сирек жұқпалы ауру. 2022 жылдың мамырында алғаш рет тіркелген індеттен 99 мыңға жуық жағдай тіркелді. Оның ішінде 189 адам қайтыс болды. Эндемиялық аймақтарға Батыс және Орталық Африкадағы Гана, Конго, Камерун, Либерия, Нигерия және Орталық Африка Республикасы сияқты елдер кіреді.