Верныйдың Алма-Ата болып өзгергеніне – 100 жыл

5 ақпанда Верный қаласының Алма-Ата болып өзгертілгеніне 100 жыл толды. ORDA. тарихқа көз жүгіртті.

Кейіннен Верный қаласы болған Іле әскери бекінісі 1854 жылы құрылған. 1921 жылы Кеңес өкіметінің келуімен Түркістан Автономиялық Кеңестік Социалистік Республикасы Орталық Атқару Комитеті Президиумының мәжілісінде қала Алма-Ата болып өзгертілді.

Қала 1927 жылы Қазақ АССР, 1936 жылы - Қазақ КСР, 1991 жылы - тәуелсіз Қазақстан астанасы болды.

1993 жылы жаңа Конституцияның қабылдануымен қала жаңа - Алматы атауын алды. Қала атауы әдейі немесе кездейсоқ өзгертілді ме деген дау әлі де жалғасуда.

1997 жылы астана Ақмолаға көшірілді (1998 жылдан - Астана, 2019 жылдан - Нұр-Сұлтан). Алайда, қазірдің өзінде Алматы жиі «оңтүстік астана» деп аталатын елдің ірі қаржылық, экономикалық және мәдени орталығы болып қала береді.