Венесуэла президенті Ресей мен Қытай одақтастары блогын құруды ұсынды

Мұндай «саяси блок биліктің жаңа өрісіне айналуы мүмкін»  дейді Венесуэла президенті Николас Мадуро.

Венесуэла президенті Николас Мадуро Ұлттық жиналыста Ресей мен Қытай одақтастары блогын құру туралы ұсыныс жасады. ТАСС агенттігінің хабарлауынша, Мадуроның идеясы бойынша Латын Америкасы аймағында одақтастардың саяси блогы құрылуы тиіс.

«Мен бұл туралы Бразилия президенті Луис Инасио да Силвамен телефон арқылы сөйлестім, мен оны Колумбия президенті Густаво Петромен, Аргентина президенті Альберто Фернандеспен жеке талқыладым. Жаңа уақыт келе жатыр, Латын Америкасы мен Кариб бассейнінің мықты саяси күштер блогын, әлемге сөзін өткізе алатын  экономикалық держава құру үшін күштер мен мүмкіндіктерді біріктіретін  уақыт келді»  деп келтіреді басылым Мадуроның сөзін.

Венесуэла президенті мұндай саяси блок Қытай және  Ресеймен біріккен «биліктің жаңа өрісіне» айналуы мүмкін екенін нақтылады.

«Бұл қоғамдастық біздің үлкен ағамыз  - Қытай басшысы  Си Цзиньпин айтып отырған ортақ мақсаттарды бөліседі: ортақ тағдыр біріктірген адамзат. Немесе үлкен ағамыз  - Ресей президенті Владимир Путин айтып отырған көпполярлы және көп орталықты әлемді құру»  деп жазады басылым Мадуроның сөзін.

Оның айтуынша, тек осындай  блок  бейбітшілікке үлес қоса алады.