Венесуэла жағалауында 7,1 магнитудалы жойқын жер сілкінісі болып, он мыңнан астам адам қаза тапты

Венесуэлада бір минутқа жетпейтін уақыт ішінде магнитудасы 7,2 және 7,5 болатын екі күшті жер сілкінісі тіркелді, деп хабарлайды Orda.kz.       

Ел астанасы Каракаста бірнеше ғимарат қирап, билік төтенше жағдай режимін жариялады.

АҚШ Геологиялық қызметінің алдын ала бағалауынша, апат салдарынан қаза тапқандар саны 10 мыңнан 100 мың адамға дейін жетуі мүмкін. Мұндай сценарийдің ықтималдығы 44 пайыз деп аталып отыр.

Сондай-ақ жер сілкінісінен келген экономикалық шығын Венесуэланың жалпы ішкі өнімінің 1–5 пайызына тең болуы мүмкін.

АҚШ Мемлекеттік департаменті басшысының орынбасары Кристофер Ландау Вашингтонның Венесуэла билігімен тұрақты байланыста екенін және қажет болған жағдайда гуманитарлық көмек көрсетуге дайын екенін мәлімдеді.

АҚШ Геологиялық қызметінің мәліметінше, эпицентр ел жағалауына жақын орналасқан, ошақ шамамен 10 шақырым тереңдікте жатқан. Жер асты дірілін Кракастың жергілікті тұрғындары өте қатты сезді, куәгерлер ғимараттардың «теңселіп», кейбір үйлердің қабырғаларында жарықтар пайда болғанын айтты. Кейбір ғимараттар ішінара бұзылған.

Венесуэла астанасында бірнеше ғимарат құлады. Каракастағы Майкетия халықаралық әуежайы жабылды. Венесуэла үкіметі төтенше жағдай режимін енгізді.

Негізінен Венесуэлада жер сілкінісі жиі болып тұрады Ең күшті әрі қираулар көр болған жер сілкінісі 1967 жылы Каракаста болып, 200-ден астам адам қаза тапқан еді. Венесуэладағы жер сілкінісінен кейін көп ұзамай Жапонияның солтүстігінде 6,9 магнитудалы жер сілкінісі болған.

Жер сілкінісінен кейін билік Кариб теңізіндегі Пуэрто-Рико мен Америка Виргин аралдары үшін ықтимал цунами туралы ескерту жасады.

Оқи отырыңыз:

• Атырау облысында 90 жастағы қарияны баласы ұрып-соғып, қамап ұстаған
• +50°C дейінгі ыстық пен қуаңшылық: Шілдеде Қазақстанның көп бөлігінде аптап ыстық болады