Вейптерді заңсыз сатқан интернет-дүкен қызметкерлері ұсталды

Астанада көпқабатты үйлердің бірінде полиция вейптерді заңсыз сатқан интернет-дүкенді анықтады.

Бұл туралы Астана қаласының полиция департаменті хабарлады.

«Интернет-дүкенің бастығы 28 жастағы азамат. Қарамағында 10 адам жұмыс істейді. Олардың ішінде - сатушылар, курьерлер, сұрыптаушылар, сатушы-дроппер, ревизор бар. Қоймадан 20 мыңнан астам вейп табылды» деп мәлімдеді ІІМ.

Тауар телеграмм арналары арқылы сатылды. Осы дерек бойынша қылмыстық іс қозғалды. Бап санкциясымен 200 АЕК дейінгі мөлшерде айыппұл салынуы мүмкін. Сонымен қатар, 200 сағатқа дейінгі мерзімге қоғамдық жұмыстарға тарту немесе 50 тәулікке дейінгі мерзімге қамауға алу жазалары бар.