Вебкам: «Онлайн жезөкшелерге» тыйым салынады

Қазақстанда веб-камераны пайдаланып жыныстық қызмет көрсететіндер қылмыстық жауапкершілікке тартылады.

Бұл туралы ішкі істер министрлігі хабарлады.

Қазақстанда 5 қыркүйектен бастап «Адам саудасына қарсы күрес туралы» заң күшіне енеді. Құжат, атап айтқанда, қашықтан сексуалды қызметті онлайн көрсетуге қатысты. Республика ІІМ-нің хабарлауынша, заң жезөкшелікпен айналысуға, соның ішінде кәмелетке толмағандарды сутенерлікке тарту, сондай-ақ жыныстық сипаттағы өзге де қызметтерді жарнамалау және насихаттау сынды әрекет үшін қылмыстық жауапкершілікке тартады.  

Бұл шаралар адамдарды Қылмыстық кодекстің 134, 308 және 309, Әкімшілік кодекстің 450-баптары бойынша жауапқа тартуға мүмкіндік береді. Сонымен қатар, Қазақстан Республикасы Қылмыстық кодексінің 122-бабы («Он алты жасқа толмаған адаммен жыныстық қатынас немесе жыныстық сипаттағы өзге де әрекеттер») бойынша кәмелетке толмағандардан жыныстық қызмет үшін қылмыстық жауапкершілік енгізіледі.