Валерий Меладзенің Алматыдағы концерті кейінге шегерілді

Валерий Меладзенің Алматыдағы концерттері музыканттың отбасындағы қайғылы оқиғаға байланысты кейінге қалдырылды, деп хабарлайды Orda.kz ұйымдастырушыларға сілтеме жасап.

Әнші Валерий Меладзенің қаңтар айында өтуі тиіс үш қойылымы ақпан айына шегерілді. Бұған әншінің отбасындағы қайғылы оқиға себеп болған. 

Алматы әкімдігінің баспасөз қызметі іс-шараны ұйымдастырушылардың хабарламасымен бөлісе отырып, концерттердің кейінге шегерілгенін хабарлады.

«Құрметті қала тұрғындары мен қонақтары! Отбасылық жағдайға байланысты Валерий Меладзенің қаңтар айына жоспарланған концерті 20 қаңтардан 2 ақпанға, 23 қаңтардан 4 ақпанға, 25 қаңтардан 6 ақпанға  шегерілді. Шын жүректен ұйымдастырушылардың атынан кешірім сұраймыз. Бұрын сатып алынған барлық билеттер жаңа күнге жарамды. Билеттерді қайтару үшін тарату сайтының өкілдеріне хабарласу керек» деп мәлімдеді концерттің ұйымдастырушылары. 

Әншінің өзі ұйымдастырушылардың бұл шешіміне «өзіне жақын адамдардың бірінің қазасымен» байланысты екенімен түсіндірді. Алайда басқа мәліметтер ресми түрде жарияланған жоқ. Алайда, осыдан екі апта бұрын Ксения Собчактың Telegram-арнасы әншінің әкесі Шота  Меладзенің жағдайы ауыр екенін хабарлаған болатын. Содан кейін Валерий Меладзенің алдағы барлық концерттері кейінге қалдырылды.

StarHit хабарлауынша, бұл ағайынды Меладзелердің әкелерінің денсаулығында байланысты алғашқы алаңдаушылық емес. 2008 жылы ол жүрек ауруымен шұғыл түрде Мәскеудегі элиталық клиникалардың бірінде емделіп шыққан. Шота  ол кезде 74 жаста еді.

Бұл ретте оның жұбайы Нелли Акакиевна Шотаның денсаулығы әрдайым тамаша екенін, оның жүрек ауруы 20 жыл бұрын пайда болғанын айтты.