Вакцина сынамасына шетелден алдырған маймылдар қашып кетті

Қазақстандық вакцинаны макакаларға сынап көру жоспарда болған. Бірақ оларды Отарға тасымалау кезінде маймылдар қашып кеткен.

Бұл туралы Orda.kz хабарлады.

Биологиялық қауіпсіздік проблемалары ғылыми-зерттеу институты қызметкерлерінің айтуынша, тасымалдау кезінде жануарлар көліктен түсіп, қашып кеткен.

– Бұл жағдай өткен жылы күзде болды. Біздің жеткізушілер оларды Алматыдан әкеле жатқан. Түнде жолда машина бұзылып, дөңгелегі тесілген. Жүргізушілер дөңгелекті ауыстырып жатқанда, маймылдар тордан көшеге шығып кеткен. Жеткізушілер оларды далада екі күн бойы іздеген, бірақ таппаған, - деді ол.

Қызметкер жануарлардың нақты қайда қашып кеткенін айта алмады. Болжамды түрде не Алматыда, не Жамбылда болуы керек. Институтқа 5-6 маймыл келуі керек болған.

– Ірі макакалардың алғашқы партиясы Сочидегі Приматология ғылыми-зерттеу институтынан келді. Оларды жеткізу бойынша арнайы операция өтті. Өйткені барлық шекаралар жабық болды, ал бізге вакцинаны сынап көру керек еді. Бұған бірнеше министрліктер мен қызметтер қатысты. Маймылдар өздерінің институтынан Сочиге бір күн жүрді, содан кейін тағы екі күн жүрді. Барлығы қатты шаршады. Келген бойда, барлығы бір күн ұйықтады, деді зерттеу институтының қызметкері.

Бұл жануарларды резус-маймылдар деп атайды. Алғашқы вакциналанған маймылдардың иммунитеті 9 айдан асады.