Вакцинадан бас тартқан мұғалімдер мен дәрігерлерге ағарту жұмыстары жүргізілуде

Алматыда коронавирусқа қарсы екпеден бас тартқан дәрігерлерге, полиция қызметкерлері мен мұғалімдерге ағарту жұмыстары жүргізулуде, деп хабарлады брифингте қалалық санитарлық-эпидемиологиялық бақылау департаменті басшысының орынбасары Әсел Қалықова.

Оның айтуынша, 9 наурызда Алматыда мұғалімдер мен полиция қызметкерлеріне екпе жасау басталды. Бірінші күні 50-ге жуық полиция қызметкері мен 20 мұғалім вакциналаудан өтті.

Қазақстанда 1 ақпаннан бастап Sputnik V-мен коронавирустық инфекцияға қарсы ерікті егу науқаны басталды. Бірінші кезеңде медициналық қызметкерлер вакцина қабылдады. 1 наурыздан бастап еліміздің көптеген аймақтарында полиция қызметкерлері мен мұғалімдерге вакцина егу басталды. Үкімет 2021 жылдың соңына дейін 6 миллион қазақстандыққа вакцина егуді жоспарлап отыр.