Вакцина шығаратын зауытқа 8,6 млрд теңге жұмсалады

Коронавирусқа қарсы қазақстандық вакцина шығаратын зауыттың құрылысы қымбаттады. Бұған дейін бөлінген 7 млрд жетпей тұр, тағы 1,6 млрд қажет.

Бұл туралы Orda.kz хабарлады.

Мәжілістің Қаржы және бюджет комитетінің қорытындысында айтылғандай, нақтыланған бюджетте коронавирустық инфекциямен күресуге бағытталған шараларға 265 млрд теңге бөлінген.

• 1,597 млрд-ы – биофармацевтикалық зауыттың құрылысын аяқтауға
• 1,4 млрд-ы – коронавирусқа қарсы отандық вакцинаның клиникалық зерттеулерінің I / II және III фазаларын жүргізуге

– Біз қосымша 1,6 млрд берсек, кейін кімнен оны сұраймыз? Сіз өзіңіз әлі ештеңе түсініп тұрған жоқсыз, - деді Мәжіліс спикері Нұрлан Нығматулин.

Сонымен қатар, Премьер-Министрдің бірінші орынбасары Әлихан Смайылов зауыт құрылысын вице-премьер Ералы Тоғжанов басқаратынын, ал әкімдік жауапты болатын техникалық жұмыстардан кейін зауыт балансына өткізілетіндігін айтты.