Қазақстанда қанша вакцина қалды?

Денсаулық сақтау министрлігі Қазақстанда Hayat-Vax және CoronaVac вакциналарының саны туралы айтты.

Бұл туралы Orda.kz хабарлайды.

Елдегі «Hayat-Vax» екпесінің саны 185 мың дозаны құрайды.

– Оның ішінде бірінші доза - 13 мың. 11 өңірде: ШҚО, Ақмола, Алматы, Қарағанды, Түркістан облыстарында және Алматы, Нұр-Сұлтан және Шымкент қалаларында вакцинаның алғашқы дозасы жоқ.

Екінші дозадан 172 мыңы қалды. Ол барлық өңірде бар және осы вакцинаның алғашқы дозасын алғандарға ғана арналған, - деді Денсаулық сақтау министрлігінің баспасөз қызметіндегілер.

CoronaVac вакцинасының саны 260 мың дозаны құрайды.

– Оның ішінде бірінші дозасы - 47 мың. Барлық өңірлерде бар. Бірақ ШҚО мен Қызылорда облысында 300 дозадан аз қалған. Екінші дозасы - 207 мың. Барлық өңірлерде бар, - делінген хабарламада.