Пригожин әскері Мәскеуге жақындады

Липецк облысындағы тас жолда куәгерлер Вагнер ЖӘК әскери техникасын байқаған. Мәскеу 4 сағаттық жерде.

Липецк облысы Елец қаласының маңындағы тас жолда жергілікті тұрғындар «Вагнер» ЖӘК әскери техникасы – КамАЗ жүк көліктері, БТР, жаяу әскерлердің жауынгерлік машиналары, сондай-ақ қаруланған адамдарды түсіріп алған.

Орналасқан жеріне қарағанда, Ресей астанасына дейін 400 шақырымнан аз қалды.

Липецк облысының мэрі Артамонов «Вагнер» ЖӘК техникалар колоннасының Липецк облысының аумағы арқылы өтіп жатқанын растады.

«Құқық қорғау органдары мен билік органдары, оның ішінде муниципалитеттер, халықтың қауіпсіздігін қамтамасыз ету үшін барлық қажетті шараларды қабылдауда. Жағдай бақылауда. Маңызды инфрақұрылымның жұмысында ақаулар жоқ» деді облыс әкімі.

Қарулы көтерілісшілердің саны белгісіз. Бірақ заңсыз компаниямен келісімшарты аяқталған ПМК ардагерлері де Вагнерлер қатарына қосылуы мүмкін.

«Біз әкейден [Евгений Пригожин] ресми бұйрық күтеміз. Росгвардия мен армия бұйрықты орындаудан бас тартты, ал бізге толық жауынгерлік әзірлікте күту бұйырылды. Түскі асқа жақын арада келесі әрекеттерге бұйрық болуы керек» деді журналистерге ақпарат көзі.

24 маусымда сағат 19:30-дағы жағдай бойынша Вагнер колоннасы Липецк облысындағы Ельц қаласын басып өтті.

Ал Мәскеуге жақын жолдарды қарулы сарбаздар, Ішкі істер министрлігінің арнайы жасақтары қорғап тұр. Ресей астанасының М4 Дон тас жолының кіреберісі мен шыға берісінде оқ өтпейтін жилет киген, қолында автоматтары бар полиция қызметкерлері кезекшілік етуде.

Вагнер шешуі керек тағы бір мәселе бар - бұл тылды қорғау. Шешен бөлімшелері басып алынған Ростов-на-Донуға шабуыл жасамақшы екені белгілі.