«Ұшақтағы жанжал»: 20 жастағы мас қыз

Алматыда сот Air Astana рейсіне отырарда жанжал шығарған 20 жастағы қызға айыппұл салды.

Бұл бейнежазбаны қыз әлеуметтік желідегі парақшасына жариялады.

Борт экипажы мас деген күдікпен ұшаққа кіргізуден бас тартты. Бортсеріктердің айтуынша, қыз атын атағанда жауап бермей, сұрақтарға баяу жауап қатқан. Оның үстіне одан алкоголь иісі шығып тұрған. Экипаждың әрекетіне келіспей, қыз болып жатқан жағдайды телефонға түсіріп, жанжал шығарды.

Сараптама қыздың масайыңқырап қалғанын растады. Бұған дейін ол қоғамдық орындарда ішімдік ішкені үшін жауапқа тартылған болатын. Сот оны бір жыл ішінде тағы қайталап тұрған құқық бұзушылығы үшін 36 920 теңге айыппұл төлеуге міндеттеді.