Ұшақ «миналаған» жалған террорист 2,5 миллион теңге төлейді

Ұшақ «миналаған» жалған террорист 2,5 миллион теңгеден астам айыппұл төлейді. Астана-Санкт-Петербург рейсі миналанғанын хабарлаған шетелдікке айыппұл салынды, деп хабарлайды Orda.kz ІІМ-ге сілтеме жасап. 

Ведомство 36 жастағы ер адамның заң бұзушылыққа Санкт-Петербургке ұшқысы келген әйелімен жанжалдасу салдарынан барғанын айтты.

«Астана қаласы қылмыстық істер жөніндегі ауданаралық соты қаулысымен бұл азамат кінәлі деп танылып, оған 750 АЕК (2 587 700 теңге) көлемінде айыппұл салынды», - деді Көліктегі полиция басқармасының бастығы Бақытжан Малыбаев.

Ведомство басшысы жалған лаңкестер терроризм актісі туралы жалған хабар бергені үшін айыппұлдан бөлек, сот шешімімен оқиға орнына келген алғашқы көмек көрсету қызметінің шығындарында төлейтінін атап өтті.