Ұшақ құлаған ауданда ТЖ режимі енгізілді

Ұшақ құлаған Түпқараған ауданында жергілікті төтенше жағдай енгізілді, деп хабарлайды Orda.kz.

ҚР Төтенше жағдайлар министрлігі соңғы ақпаратты жариялады:

«Ұшақта 67 адам, оның ішінде бес экипаж мүшесі болған. Жолаушылар арасында Қазақстанның алты азаматы, Әзірбайжанның 42 азаматы, Қырғызстанның үш азаматы, Ресейдің 16 азаматы болған, бір адамның азаматтығы нақтылануда. Экипаж мүшелерінің барлығы Әзірбайжан азаматтары. Оқиға салдарынан 29 адам ауруханаға жеткізілді, оның үшеуі бала. Оның ішінде: 15-і Әзірбайжан, тоғызы Ресей, екеуі Қырғызстан азаматы, үш адамның азаматтығы аныталуда»,  деп хабарлады Төтенше жағдайлар министрлігі.

 Сенім телефондарына 571 қоңырау түсті. Кинологиялық қызметтердің қатысуымен апат орнында іздеу-құтқару жұмыстары жалғасуда.