Ұшақ апатынан көз жұмған бір жолаушының мәйіті сол күйі табылмады

АҚШ-та болған ұшақ апатынан кейін ұшақ қалдықтары өзеннен шығарылды. Қаза тапқандардың бірінің денесі сол күйі табылмады, деп хабарлайды Orda.kz.

Еске салайық, Вашингтондағы Рейган әуежайы маңында жолаушылар ұшағы мен әскери тікұшақ соқтығысқан еді. Салдарынан 67 адам көз жұмған.

Құтқару қызметінің мәліметінше, 67 құрбанның 66-сы анықталған. 

Құтқарушылар өзеннен ұшақтың үлкен бөліктерін де алып шықты. Әрі қарай тікұшақ сынықтарын көтеру операциясы жоспарланды.

Апат себептері туралы алдын-ала есеп бір ай ішінде дайын болады. Бірақ толық тергеуге бір жылдан астам уақыт кетуі мүмкін.