ҰҚК Украинаға соғысуға кеткен қазақстандықтарды іздестіруде

Ұлттық қауіпсіздік комитеті Украинадағы ұрыс қимылдарына қатысу үшін елден кеткен қазақстандықтарды іздестіру жұмыстарын жүргізуде, деп хабарлады тиісті ведомство ресми сауалға берген жауабында.

«Украинадағы соғыс қимылдары аясында халықаралық жағдайдың шиеленісуін ескере отырып, жекелеген қазақстандық азаматтардың қарулы қақтығысқа қатысу үшін шетелге кету мүмкіндігі жоққа шығарылмайды. ҰҚК органдары оларды табу, олар туралы қажетті ақпаратты алу жұмыстарын жүргізуде» деп хабарлады ҰҚК.

Министрлік егер азаматтар қарулы қақтығысқа қатысқаннан кейін Қазақстанға оралса, оларға қатысты тиісті жаза қолданылатынын қосты.

Атап айтқанда, Қазақстан азаматының шет мемлекеттің аумағындағы қарулы қақтығысқа немесе ұрыс қимылдарына қасақана заңсыз қатысқаны үшін ҚР ҚК 170-бап «Шетелдік қарулы қақтығыстар» және «Жалдаману» 172 баптарына  сәйкес бес жылдан тоғыз жылға дейінгі мерзімге бас бостандығынан айыру түріндегі жаза көзделген.