ҰҚК қазақ-қырғыз шекарасына неліктен қоршау салынып жатқанын түсіндірді

Қоршау Қазақстан аумағында Қырғызстанның Бішкек – Нарын – Торугарт транзиттік тас жолының бойында орнатылуда.

Әлеуметтік желілерде Жамбыл облысында инженерлік шлагбаумдар салып жатқаны туралы видео тарады. Өз кезегінде ҰҚК оны  жоққа шығарды. Бұл  Қырғызстан тас жолының 800 метрлік транзиттік бөлігін пайдалануға кедергі келтірді деген бөлігі болатын.

«Бұл ақпарат шындыққа жанаспайды. Аталған учаске арқылы өту Қазақстан-Қырғызстан мемлекеттік шекарасының режимі туралы келісімге (2017 жылғы 25 желтоқсандағы) сәйкес жүзеге асырылады. Аталған жол учаскесінің маңында ҚР Ұлттық қауіпсіздік комитетінің шекара қызметі инженерлік шлагбаумдар орнатуда. Жұмыстар Қазақстан аумағында жүргізіліп жатыр. Орнатылып жатқан шлагбаумдар шекара режимін бұзудың алдын алуға және екіжақты келісімнің сақталуына ықпал етеді» делінген хабарламада.

ҰҚК сондай-ақ қоршау салу транзитке кедергі келтірмейтінін, жолда көлік қозғалысы тоқтамағанын атап өтті.