ҰҚК академиясының курсанты өзіне-өзі қол жұмсады

ҰҚК академиясының курсанты өзіне-өзі қол жұмсау туралы жазба қалдырды, деп хабарлайды дереккөз.

ҚР Ұлттық қауіпсіздік комитеті академиясында болған оқиғаның мән-жайы белгілі болды.

Orda.kz. ақпарат көзінің хабарлауынша, 30 сәуірде ҚР Ұлттық қауіпсіздік комитеті академиясының 3 курс студентін әкесі іздей бастаған. Ол басқа курсантқа телефон соғып, ұлының неге қоңырауларына жауап бермей жатқанын сұрады. Алаңдаған  әке ұлын тауып, қайта қоңырау шалуды өтінді.

Арада марқұмның әкесі телефон соққан екі курсант жертөледегі №1 бөлмеден оның мәйітін тауып алған. Олар оқиға туралы бірден академия басшылығына хабарлаған.

Бөлмеде оның заттарының арасынан курсанттың құмар ойындарға тәуелділігін (ойынқұмарлық немесе құмар ойынға тәуелділік) мойындаған, өз-өзіне қол жұмсауды шешкен хаты табылды. Ойынқұмарлық кесірінен жас жігіт несие алып, үлкен қаржылық қиындықтарға тап болған екен. Несиелер бойынша алғашқы кешіктіру туралы хабарлама 30 сәуірде келуге тиісті болған.

Orda.kz. ҚР Ұлттық қауіпсіздік комитетінің баспасөз қызметіне түсініктеме алу үшін хабарласты, әлі жауап алынған жоқ.