Университеттер тексерістен өту үшін қандай қулыққа барды?

Білім вице-министрі Мирас Дәуленов қазақстандық университеттер тексерістен өту үшін қандай айла тапқанын айтты.

Вице министрдің айтуынша, университеттер студенттерді жаппай оқудан шығарып, өзін қауіпсіз аймақпен қамтамасыз етіп жатыр.

- Мысалы, университеттер 1 күнде бірден 800-1000 студентті шығарды. Ол мұғалімдердің аз саны студентдерді оқыта алатындығын және қолда бар аз көлемдегі әдебиеттердің жеткілікті екенін көрсету үшін жасалынып жатыр. Бірінші курсқа 200 студент қабылданса, ал 900 түлек шығарылады.

Дауленовтың айтуынша, шетелдік университеттер берген деп жалған білім беру құжаттарын ұсынған университеттердің қабылдау фактілері де тіркелген.

 - Тексеріс кезінде студенттер ешқашан шетелдік университеттерде оқымағанын, ал «дипломдарда» университеттердің, тіпті шет ел министрліктерінің аттарында өрескел қателіктер анықталды.

Сонымен қатар, ЖОО-лар аудит кезінде олардың жұмыспен қамтылуының жоғары пайызын көрсету үшін БЖЗҚ-ға түлектер үшін минималды төлем жасайтын жағдайлар да бар.

Вице-министр басқа университет штатында тіркелген оқытушылардың құжаттарын өз мұғалімдері ретінде ұсыну фактісіне тоқталды.

- Мұғалімдер өздерінің басқа университетте тіркелгендерін білмеген кездер де бар. Яғни, аудит тексерісіне дейін ұйым басшысы жұмысқа орналасу туралы бұйрық, ал тексерістен кейін жұмыстан босату туралы бұйрық шығарған. Бұған біз университеттерді өзара тексеру кезінде көз жеткіздік. Іс жүзінде қажетті мамандар жоқ, тест тапсыру үшін жоғары оқу орындары оларды жұмысқа алып, ал тестілеуден кейін олар жұмыстан шығарып отырған.