Умарова: Бекшин конституцияны бұзды

Белгілі заңгер Айман Умарова Алматы қаласының бас мемлекеттік санитарлық дәрігері Жандарбек Бекшиннің адвокаттардың митингісіне кедергі келтіріп, сол арқылы заң мен Конституцияны бұзып отырғанына сенімді. Бұл туралы ORDA ҚазТАГ-қа сілтеме жасап хабарлады.

— Ертең әдеттегі митинг өтеді. Біз рұқсат алдық. Ешқандай елде рұқсат алу рәсімі жоқ. Бірақ біз заң аясында рұқсат алдық. Бұл бейбіт жиналыстар бостандығына қатысты. Әрі қарай не болатынын білмеймін. Мен митингке жеке өзім барамын. Қорқатындар үйде отыра берсін.

Бекшинге келетін болсақ, ол Конституция мен митингтер туралы заңды бұзды. Егер елде төтенше жағдай болса, онда Бекшин неге қарарды 13-інде күшіне енгізді? Ол неге 12-сі не 11-і демеген? Бұл таңқаларлық. Ол жай митингке жол бергісі келмейді. Егер қалада төтенше жағдай болса, балалар мектепке бармауы керек қой. Ешкім далаға шықпауы керек еді.

— Біз осының бәрінен шаршадық. Біз митингке барғымыз келгендіктен шығайын деп жатқан жоқпыз. Егер мен бірдеңе бұзсам, мені ұстасын, түрмеге қамасын. Мен заңды бұзбаймын, өйткені халықаралық стандарттар бар, деді Умарова.

Қабылданған заңдар адвокаттардың қалыпты жұмысына кедергі келтіреді, деді ол.

— Бізді бір-біріне қайшы келетін және адам құқығын бұзатын заң шығаратын мемлекеттік органдар, әділет органдары мен депутаттар мазалайды. Себебі олар заң шығарып жатыр, және бұл заңның не туралы екенін білмейді. Олар бізге қарсы заң шығарады, ісімізге қол сұғады, біздің қызметімізге араласады. Егер Әділет министрлігі оны қойшы, ал біз қой болады деп ойласа — қателеседі! Біз қайдағы бір қойшының қойы емеспіз!, деп баса айтты Умарова.

Бұдан бұрын 12 наурызда Алматы қаласының санитарлық-эпидемиологиялық бақылау департаменті Алматы қаласының Бас мемлекеттік санитарлық дәрігерінің (Ж. Бекшин) қолданыстағы қаулысына сәйкес адамдар жаппай жиналатын бар іс-шаралар, оның ішінде митингтер өткізуге тыйым салынатындығын айтқан.