Ұлытау өңірінде жолаушылар пойызы алты жылқыны қағып кетті

Жүргізуші шұғыл тежегішті қолданды, бірақ жануарлармен соқтығысудың болдырмау мүмкін болмады.

Оқиға 4 ақпан күні Манадыр-Жомарт маңында болған. Алматы-Жезқазған бағытында келе жатқан жолаушылар пойызының машинисі темір жол бойында жайылып жүрген жануарларды байқап, тіпті шұғыл тежегішті қосқан. Бірақ қауіптің алдын алу мүмкін болмады.

«Соның салдарынан 6 жылқы өлді. Пойыздың жоспардан тыс тоқтауы 8 минут болды. Осы факті бойынша жедел-тергеу тобы оқиға орнына жіберілді. Үй жануарларының иесі - 59 жастағы жергілікті тұрғын анықталды» деп хабарлады ҚР ІІМ.

Жылқылардың иесі ҚР ӘҚБтК-нің 559-бабының 1-бөлігі бойынша «Темір жол учаскесінде мал жаю қағидаларын бұзу» бойынша әкімшілік жауапкершілікке тартылғаны атап өтілді. Малдардың иесіне 5 АЕК мөлшерінде әкімшілік айыппұл салынды.