Ұлытаудағы шахтёрлердің қазасына апаттың қатысы жоқ – Қазақмыс

Қазақмыс Ұлытау облысындағы 7 адамның өліміне құлаған тау жыныстарының себеп болмайтыны анықталды, деп хабарлайды Orda.kz.

Құтқарушы бригада тау жыныстарының құлағаны туралы ешқандай айғақ таппады. Қазір табиғи газдың бөліну ықтималдығы зерттеліп жатыр.

«Біз үкіметтік комиссиямен және тергеу органдарымен тығыз байланыстамыз. Қауіпсіздік стандарттарына түзетулер де енгіземіз. Соңғы 3 жылда еңбекті қорғау үшін 87 млрд теңгеден астам қаржы бөлінді, ал биыл 38 млрд теңге көлемінде қаржы жоспарланған болатын», деп мәлімдеді Қазақмыс. 

Компанияның мәліметінше, қайтыс болғандардың денесі Жезқазған, Сәтбаев, Қарағанды және Түркістан облысында жақындарына табысталды. Олардың отбасына қаржылай көмек беріліп, олардың несиелері мен ипотекасын өтеу жоспарланып жатыр.