Ұлытау облысындағы Жезді кентінде су тасқынына байланысты төтенше жағдай режимі жарияланды

Ұлытау облысының әкімі Берік Әбдіғалиұлы зардап шеккен отбасылар уақытша басқа жерге көшірілетінін айтты.

28 наурызға қараған түні Ұлытау ауданының Жезді кентінде 10-ға жуық үй су астында қалып, 26 отбасы эвакуацияланды. 

«Зардап шеккен барлық отбасы қауіпсіз жерге эвакуациялануы керек. Бұл мәселені түске дейін шешуді тапсырамын. Мердігер анықталып, тиісті сараптама жүргізілгеннен кейін келтірілген залал өтеледі»,  деді Берік Әбдіғалиұлы.

Посмотреть эту публикацию в Instagram

Публикация от ЖЕЗКАЗГАН | СОБЫТИЯ | НОВОСТИ (@etozhez)

Қазіргі уақытта ол жерде жергілікті атқарушы органдардың 15 қызметкері, төтенше жағдайлар департаментінің 50-ге жуық қызметкері және полиция департаментінің 30-дан астам қызметкері жұмыс істеуде. Барлығы 13 бірлік техника мен 3 сорғы тартылған.