Ұлытау облысында жағдай тұрақты

Бұл күні облыста 25 гидроиехникалық құрылым штаттық режимде жұмыс істеп жатыр, деп хабарлайды Orda.kz порталы.

Қазгидрометке сүйенсек, облыс аумағында гидропостарда және өзен арналарынада су ағысы бірқалыпты. Ұлытау облысы ТЖД бастығының орынбасары, азаматтық қорғау полковнигі Әбіл Оразов өңірдегі жағдай туралы баяндады.

Автожолдардың 6 учаскесінде су тасу жағдайлары тіркелді. Оның ішінде 1 учаскедегі жолдардың су тасу жағдайы бақылауда қалады: облыстық маңызы бар (Қаражал-Атасу). Сонымен қатар 6 учаскедегі автожолдардың шайылу жағдайы болды. Оның ішінде 2 учаскедегі автожолдардың шайылуы бақылауда қалады: облыстық-1 («Жезді-Қоскөл»); – аудандық-1 (Қорғасын).

«Солтүстік Қазақстан облысында су тасқыны жағдайының күрделенуіне байланысты 8 сәуірде Ұлытау облысының ТЖД жеке құрамынан 33 адам, 4 бірлік техника, 5 бірлік мотопомпа және 3 бірлік жүзу құралдары Есіл ауданына қарасты Бірлік, Петровка, Покровка ауылдарында авариялық-құтқару жұмыстарын жүргізуде. 122 адам қауіпсіз жерге эвакуацияланды оның ішінде екеуі бала, 112 бас ірі қара және ұсақ мүйізді мал қауіпсіз жерге шығарылды», - деді спикер.