Ұлытау облысында үкіметтік комиссия жұмыс істеп жатыр

Ұлытау облысындағы төтенше жағдай орнында вице-премьер Қанат Бозымбаевтың басшылығымен үкіметтік комиссия жұмыс істеп жатыр, деп хабарлайды Orda.kz.

Комиссия мүшелері оқиға орнында болып, тергеу барысымен танысты. Қаза тапқандардың отбасыларына бірінші кезекте көмек көрсету жөнінде тапсырма берілді.

Комиссия құрамында:

• Ұлытау облысының әкімі Дастан Рыспеков,
• ТЖ министрі Шыңғыс Әрінов,
•  ішкі істер министрінің бірінші орынбасары Бауыржан Әленов,
• еңбек және халықты әлеуметтік қорғау бірінші вице-министрі Ақмәди Сарбасов,
• денсаулық сақтау вице-министрі Ержан Нұрлыбаев,
• өнеркәсіп және құрылыс вице-министрі Иран Шархан,
• ҚР ТЖМ Өнеркәсіптік қауіпсіздік комитеті төрағасының міндетін атқарушы Рашид Дубаев бар.

Комиссия мүшелері оқиға орнында болып, тергеу барысымен танысты. Қаза тапқандардың отбасыларына бірінші кезекте көмек көрсету жөнінде тапсырма берілді.Әрі қарай Бозымбаев Штаб отырысын өткізіп, қаза тапқандардың туыстарымен кездеседі.

Айта кетейік, 17 ақпанда Ұлытау облысының Жаңаарқа ауданындағы «Қазақмыс» корпорациясына қарасты «Жомарт» кен орнында тау жынысы опырылып түсті. Салдарынан жеті адам үйінді астында қалды.