Ұлытау облысында шенеунік 2 млн теңге көлемінде пара алды деген күдікпен ұсталды

Ұлытау облысының мәдениет, тілдерді дамыту және мұрағат ісі басқармасының басшысы пара алды деген күдікке ілінді. Ұлытау облысы бойынша сыбайлас жемқорлыққа қарсы қызмет оған қатысты сотқа дейінгі тергеу жүргізіп жатыр.

Ол облыс аумағындағы ежелгі қорымдардағы археологиялық қазбалар жөніндегі жұмыстарды мемлекеттік сатып алу шарты бойынша актілерге қол қойғаны және жалпы қамқорлығы үшін мердігер ұйымнан 2 млн теңге көлемінде пара алды деген күдікке ілінді.

Соттың санкциясымен күдікті қамауға алынды. Тергеу жалғасып жатыр.

Қылмыстық-процестік кодексінің 201-бабы бойынша өзге ақпарат жария етілмеді.