Ұлытау облысында қалыңдығын қуып жүріп өлтірген жігіт өзіне жеңіл жаза сұрады

Ұлытау облысында қалыңдығын өлтірген жігіт 16 жылға сотталды, деп хабарлайды Orda.kz Патриот телеграм арнасына сілтеме жасап. 

Жігіт оқиға абайсызда болғанын айтып, өзі үшін жеңіл жаза сұраған. Тергеу барысында, жігіт марқұм қызға заңды түрде үйленбей тұрып зорлық-зомбылық көрсеткені анықталды.

Заңды некеге тұрмаған екі жас Қаражалда өмір сүрген. Жігіт марқұмның телефонын да алып қойған. Келіншек бір күні көршілерінің үйіне барып, ата-анасына хабарласып, көмек сұраған. Ал жігіт бұған дейін келіншекті өлтіретінін айтып қорқыта берген. 

Қызымен сөйлескеннен кейін ата-анасы ұлдарын ертіп, Қаражалға келген. Қызды көліктеріне салып алып, Қарағандыға кетіп бара жатқанда мас жігіт олардың көлігін тоқтатып, терезелерін сындырған. Кейін көліктің артынан соға берген. Соңында көлік аударылып, 28 жастағы келіншек оқиға орнында көз жұмды. Сондықтан тергеушілер бұл фактіні «Жол ережелерін бұзу фактісі» деген баптан «Адам өлтіру» және «Адам өлтіруге оқталу» баптарына ауыстырған.