Ұлытау облысында ірі көлемдегі есірткі тасымалының жолы кесілді

Ұлытау облысында аса ірі мөлшерде есірткі тасымалдау арнасының жолы кесілді, деп хабарлайды Orda.kz порталы.

2024 жылы қаңтар айы бойы ҰҚКД жедел қызметкерлері күдіктілерді назарда ұстап, есірткі құралдары мен психотроптық заттар өткізді деген күдікпен Сәтпаев және Жезқазған қалаларынан 4 тұрғынды ұстады.

Тінту кезінде олардан 20 кг марихуана, 2 кг гашиш, 250 грамм «альфа-PVP» психотроптық заты мен 30 «марка» деп аталатын ЛСД есірткісі табылды.

Қылмыстық кодекстің 297-бабы 3-бөлігі бойынша сотқа дейінгі тергеп-тексеру жүргізілді.

Сот санкциясымен ұсталған адамдарға қамауда ұстау түріндегі бұлтартпау шарасы таңдалды.